椰小盅燉湯專門店 (已結業)

天氣熱都仲係會想飲嘅湯😚💁‍♀️可想而知有幾正❣️有睇開我post都可能知道我鍾意椰味😊最近發現呢間以椰子燉湯做主題嘅餐廳，湯真係好出色☺️纖金竹笙烏雞椰小盅椰子殼都幾保溫，冬天仲正🥰一入口所有椰味嘅清甜已經湧出嚟😍加埋雞嘅肉香同椰味好夾。成個湯好清好香，仲有湯渣食。非常推薦試下個湯。如果唔想咁熱嘅話，都可以試下啲椰子殼嘅凍甜品😋椰子盅嘅湯有好多款揀。仲可以配唔同嘅肉同飯成為餐，每位都唔使$100就食到超飽。肉類都好推薦😊🥰啲叉燒超多蜜味燶邊🥰燒腩燒得金黃，成舊嘅肥瘦好平均，又香口感又豐富，正呀。