金禾茶餐廳 (已搬遷) 新店位置

肥髀停課，帶埋佢出去灣仔睇牙，之後去食個港式早餐，呢間之前未食過，搭枱坐在圓枱！地方光猛乾淨，紙皮石裝飾好懷舊！普通茶餐廳格局！我食港式早餐A:火腿通粉、煎雙蛋多士、熱檸茶！通粉湯底好濃雞湯味！通粉彈牙！火腿絲正常！雙蛋我要求熟蛋，所以較老！多士值得一讚，香脆之外，牛油搽勻，金黃色！好正！熱檸茶茶底香濃唔澀！唔錯！肥髀食輕食早餐！火腿腸仔煎雙蛋配多士！最有趣係腸仔一邊切開扮八瓜魚！賣相好得意！多士一樣香脆！店員服務勤快！好爽手！值得欣賞係有八達通比錢！免於找贖！一個舒心早餐！一日好的開始！