十勝牛和食料理

營業中

休息中

三口子入濕地公園玩，未入園前就要去醫肚先。附近只有十勝牛和食料理，咁我地就去食個lunch先。可能星期日關係，加上附近又只得一間餐廳，所妁人都算多，我地等左都差唔多半個鐘先有位~ 等左咁耐，肚都好人餓了，所以就簡簡單單午餐定食啦~每個定食都會附送中華沙律同埋麵豉湯同飲品。麵豉湯有點失望，上菜時都凍凍地，感覺唔太好~除左兩杯凍檸茶之外，我就叫左杯菊花蜜，味道唔錯，夠菊花味得嚟又唔太甜~我嘅什錦魚生飯看似細細碗，但其實份量好足同新鮮~老公嘅鹽燒鯖魚好夠味~阿仔嘅蕃茄雞柳燴烏冬雖然比佢預期嘅食法有點出入，不過都酸酸甜甜蕃茄味~不過，最令我地有驚喜嘅係散點嘅個蟹籽沙律，超大碗又好足料呀~整體感覺係...味道唔錯，價錢扺食， 港式日本料理性價比高，有機會再入濕地公園玩都名可以嚟再食過！