時新快餐店 (已結業)

特登由北角坐船來到紅磡，去搵時新快餐吃漢堡。前一排突然吹起港式漢堡熱，而家算冷卻了不少，但星期日下午時間，店外仍排長龍。好彩入面算幾多位，而且好多人外賣走，店內坐算舒服。點了炸雞翼，雙層牛肉漢堡，牛肉芝士漢堡配黑椒汁。牛肉頗厚，好多汁，而且配黑椒汁非常合拍，配沙律汁會酸酸地，個人口味會揀黑椒汁。炸雞翼是雞中翼連雞尖，無醃過，肉質鞋應該炸過頭，很一般，下次只吃黑椒漢堡就夠！