影片
更多
2020-10-15
24 瀏覽
唔知有無人同我一樣都有鋪邊爐癮，間唔時就會想邊邊佢。但麻辣火鍋食多咗都會熱氣，所以今次搵食就主要搵啲養生鍋，溫和啲嘅類型。去到旺角呢間大笪地花膠雞，顧名思義梗係叫呢到既招牌：大笪地花膠濃湯雞鍋，最近仲做緊優惠，幾抵啊！大笪地花膠濃湯雞鍋，鍋入面有半隻雞，仲有一碟份量嘅花膠。上枱咗一陣開始滾，店員就會幫我地剪開隻雞，之後再倒埋啲花膠入去。湯底滾咗之後就可以先飲湯，湯底幾溫和再摻雜少少雞油，都唔錯！飲啖湯食件雞再等火鍋配料到，再食埋花膠，都幾滑啊！肉類我地嗌咗美國肥牛，$78但份量都唔少，加上肉味都幾重，又唔會嚡，不過不失啊！另外我幾鍾意個芝士流心牛丸，芝心丸嘅概念套入牛丸嘅外皮，又幾創新！牛丸好彈又帶肉汁，咬落去加埋芝士拉芝嘅效果真係值得一試！比起普通芝心丸，我更愛呢款芝士流心牛丸！蟹籽鮮蝦滑都唔錯，彈牙爽口，蝦味都幾濃郁！另外蟹粉蝦餃皇係重量級，餃子嘅個頭好大，入面都真材實料有一粒蝦肉，再包裹住豬肉同蟹粉。其實食落幾似蟹粉小籠包嘅感覺，如果有埋醋點下就好啦，可以中和下蟹粉嘅味道。 朋友最愛炸響鈴，我地兩人圍爐份量就稍多。蔬菜當然唔少得，我地就嗌咗皇帝菜。呢個湯底烚菜更帶出甜味！火鍋伴侶
大笪地花膠濃湯雞鍋，鍋入面有半隻雞，仲有一碟份量嘅花膠。
上枱咗一陣開始滾，店員就會幫我地剪開隻雞，之後再倒埋啲花膠入去。
湯底滾咗之後就可以先飲湯，湯底幾溫和再摻雜少少雞油，都唔錯！飲啖湯食件雞再等火鍋配料到，再食埋花膠，都幾滑啊！
肉類我地嗌咗美國肥牛，$78但份量都唔少，加上肉味都幾重，又唔會嚡，不過不失啊！
另外我幾鍾意個芝士流心牛丸，芝心丸嘅概念套入牛丸嘅外皮，又幾創新！
牛丸好彈又帶肉汁，咬落去加埋芝士拉芝嘅效果真係值得一試！比起普通芝心丸，我更愛呢款芝士流心牛丸！
蟹籽鮮蝦滑都唔錯，彈牙爽口，蝦味都幾濃郁！
另外蟹粉蝦餃皇係重量級，餃子嘅個頭好大，入面都真材實料有一粒蝦肉，再包裹住豬肉同蟹粉。
其實食落幾似蟹粉小籠包嘅感覺，如果有埋醋點下就好啦，可以中和下蟹粉嘅味道。
朋友最愛炸響鈴，我地兩人圍爐份量就稍多。
蔬菜當然唔少得，我地就嗌咗皇帝菜。呢個湯底烚菜更帶出甜味！火鍋伴侶點少得可樂！
呢度裝修都好特別，一入去有種香港情懷，特意打造成復古既風味。
張貼
