影片
更多
2019-02-20
67 瀏覽
新年就係要同屋企人日日見面，爭取時間彼此陪伴，細妹鍾意食西餐，父母就鍾意食傳統港式嘢食，所以聽講APM有間fusion，就一齊嚟食餐午飯。先來一個沙律，腐乳同薯仔竟然可以一同存在，咩都係意想不到地夾，腐嘅黃豆香同蛋黃醬有種奇妙的化學作用，令到薯仔味道好豐富，配菜亦都好新鮮，不過腐乳突出啲就更加好啦。烤羊架真係無得輸，睇見個賣相已經流晒口水，非常厚身嘅羊肉上面鋪想一層脆蒜蓉粒，燒烤味道撲鼻而來。店員冇問我地要幾成熟，開頭有啲擔心會過熟，但一刀切落去，就知道肉質有幾軟熟，切開裏面呈粉紅色，肉汁流晒出嚟，可見烹調時間十分準確，羊肉亦都好新鮮，肉味好出，真係物有所值。雖然薯條係配菜，但一啲都唔馬虎，講真好食過平時快餐店嘅薯條好多，新鮮炸好，呈現金黃色，裏面嘅薯仔亦都好軟熟。新年流流，梗係要食下啲香口嘅甜品，平時喺茶餐廳食嘅西多喺呢間餐廳以全新面貌示人，一切開就見到大量紫薯流心，真係將傳統港式味道提升到另一個層次，值得留意嘅西多外面特別鋪想一層麵包糠，令到外層更加脆口！最後不得不提這一道有驚喜的甜品，唔好睇個樣普普通通，一切開個心太軟，竟然有傳統嘅奶醬多餡料流出，味道好豐富，熱辣辣嘅心太軟真係好
先來一個沙律，腐乳同薯仔竟然可以一同存在，咩都係意想不到地夾，腐嘅黃豆香同蛋黃醬有種奇妙的化學作用，令到薯仔味道好豐富，配菜亦都好新鮮，不過腐乳突出啲就更加好啦。
烤羊架真係無得輸，睇見個賣相已經流晒口水，非常厚身嘅羊肉上面鋪想一層脆蒜蓉粒，燒烤味道撲鼻而來。
店員冇問我地要幾成熟，開頭有啲擔心會過熟，但一刀切落去，就知道肉質有幾軟熟，切開裏面呈粉紅色，肉汁流晒出嚟，可見烹調時間十分準確，羊肉亦都好新鮮，肉味好出，真係物有所值。
雖然薯條係配菜，但一啲都唔馬虎，講真好食過平時快餐店嘅薯條好多，新鮮炸好，呈現金黃色，裏面嘅薯仔亦都好軟熟。
新年流流，梗係要食下啲香口嘅甜品，平時喺茶餐廳食嘅西多喺呢間餐廳以全新面貌示人，一切開就見到大量紫薯流心，真係將傳統港式味道提升到另一個層次，值得留意嘅西多外面特別鋪想一層麵包糠，令到外層更加脆口！
最後不得不提這一道有驚喜的甜品，唔好睇個樣普普通通，一切開個心太軟，竟然有傳統嘅奶醬多餡料流出，味道好豐富，熱辣辣嘅心太軟真係好好食，配合埋雲呢拿雪糕，真係好似入咗一間高級茶餐廳咁。
食完出返嚟見到好多人喺度排緊隊，就知道呢間餐廳有幾受歡迎，雖然價錢唔係平，但係真係物有所值，無論係裝修定食物都落足心機，值得推介俾大家。
張貼
