影片
更多
2022-12-18
69 瀏覽
呢幾日嘅氣溫突然急降，得返十度左右，咁凍嘅天氣當然最適合打邊爐。朋友介紹佐敦呢間火鍋小店，話湯底好出色，必須一試。餐廳比想像中細，只有十幾張枱左右。所以想食嘅最好就預先book位，特別係而家天氣咁凍，個個都想食火鍋。一睇menu佢啲湯底果然同出面嘅好唔同，唔係普通嘅麻辣鍋蕃茄鍋嗰種。我地最後揀咗藥膳花雕醉雞鍋，覺得天氣咁凍，呢個鍋應該令人食落份外暖笠笠。呢個調味架好pro好齊全，可以自行按喜好調較啱自己口味嘅醬油。藥膳花雕醉雞鍋($227)店員會喺你面前將湯加熱，然後再放入醉雞。醉雞嘅份量好多，目測應該有半隻。店員加完醉雞後，會叫我哋稍等，佢轉頭就會過嚟熄火 ，熄火完焗多幾分鐘就食得。我哋全程只需要坐係度等 ，等到啲醉雞焗完幾分鐘佢覺得係最佳時機時， 就過嚟幫我哋開蓋，示意我哋可以開動喇。佢嘅湯底真係好足料，淮山、龍眼肉、紅棗，以及杞子一樣不缺。杞子仲要食落係甜嘅，如果用過杞子煲湯或者煲糖水都會知道，杞子太早落，時間控制得唔好，會令杞子味道變酸或者冇味，但佢杞子係甜嘅代表佢時間掌握得好，成個湯底加上嫩滑嘅醉雞好有心思，有別於一般其他餐廳嘅火鍋湯底。四色丸尚盛($94)分別係金沙鮮牛丸
餐廳比想像中細，只有十幾張枱左右。所以想食嘅最好就預先book位，特別係而家天氣咁凍，個個都想食火鍋。
一睇menu佢啲湯底果然同出面嘅好唔同，唔係普通嘅麻辣鍋蕃茄鍋嗰種。我地最後揀咗藥膳花雕醉雞鍋，覺得天氣咁凍，呢個鍋應該令人食落份外暖笠笠。
呢個調味架好pro好齊全，可以自行按喜好調較啱自己口味嘅醬油。
藥膳花雕醉雞鍋($227)
店員會喺你面前將湯加熱，然後再放入醉雞。醉雞嘅份量好多，目測應該有半隻。店員加完醉雞後，會叫我哋稍等，佢轉頭就會過嚟熄火 ，熄火完焗多幾分鐘就食得。我哋全程只需要坐係度等 ，等到啲醉雞焗完幾分鐘佢覺得係最佳時機時， 就過嚟幫我哋開蓋，示意我哋可以開動喇。
佢嘅湯底真係好足料，淮山、龍眼肉、紅棗，以及杞子一樣不缺。杞子仲要食落係甜嘅，如果用過杞子煲湯或者煲糖水都會知道，杞子太早落，時間控制得唔好，會令杞子味道變酸或者冇味，但佢杞子係甜嘅代表佢時間掌握得好，成個湯底加上嫩滑嘅醉雞好有心思，有別於一般其他餐廳嘅火鍋湯底。
四色丸尚盛($94)
分別係金沙鮮牛丸，松露豬肉丸、甜薯墨魚丸以及芥末籽蝦丸， 貌相已經覺得好靚好特別 ，食落同樣覺得好特別 。金沙鮮牛丸入面係有鹹蛋黃， 松露豬肉丸嘅松露味好香，甜薯墨魚丸同芥末籽蝦丸都好彈牙，甜薯令墨魚丸更鮮甜 ，而芥末籽嘅味道就唔係好食得出 。
五味豚拼盤($149)
我覺得呢個性價比幾高，五豚分別係豬頸肉，午餐肉，黑豚肉片，豬皮以及黃沙豬潤。除咗午餐肉比較遜色同我本身唔鍾意食豬皮外，另外三款都好食， 要特別稱讚佢嘅黃沙豬潤，係真係黃沙豬潤，食落好粉好稔。
黑豚肉片同樣好出色，肥瘦適中。
串燒拼盤配日本清酒一壺或生啤兩杯($268)
呢個串燒拼盤由廚師發板，有四種串燒，每樣兩串，共八串。分別係免治雞肉串燒、雞軟骨串燒、調味醬汁豚肉串燒，以及鹽燒蝦串燒。 整體嚟講味道都相當唔錯， 我最鍾意係調味醬汁豚肉串燒，個汁甜甜地，豚肉邊燒到非常焦脆 ，外脆內軟好好食。免治雞肉串燒係嫩滑嘅雞肉當中有加入咗啲脆粒位 ，口感相當唔錯。
鮮炸脆響鈴($55)
佢嘅響鈴真係新鮮炸起既 ，上碟時仲出緊煙 ，無論係放入邊爐度烚幾秒，抑或就咁即食都同樣好食。
另外仲叫咗稻庭烏冬($27)、皇帝菜($39)以及有機蘿蔔片($39)，個有機蘿蔔片都幾多，好似食極都食唔完咁。
PS：店內兩位後生仔嘅服務態度都好好，第一次食火鍋係有人幫忙撇油嘅，仲要撒咗好幾次
張貼
