PHO 24 (已結業)

估不到沙田新城市唯一我未幫趁過既魚尾獅呢排執左，換上的新鋪是PHO 24﹗飲食男女今期有介紹，PHO 24在外國相當出名，由胡志明起家，分店遍佈全世界。自暑假到完越南之後，想要在香港找一家可以拍得住當地牛河味道的食店，真係完全搵唔到，又試下呢間PHO 24如何。同食家要了一碗生牛河，一碗生牛加牛展河及一份柚子大蝦沙律。話就話生牛河，不過碗內的牛肉明顯是已是全熟的，牛河的靈魂是其湯，先試湯頭，色不算清，入口有牛味卻偏淡，帶微微香草香﹗睇書話佢個湯底好似係用牛骨滾左成十幾個鐘出品，真的不明白為何胡志明吃到的可以如此濃郁香甜，是不是秘方帶不出境呢？﹗牛肉味不濃，勝在腍滑，睇書話是澳洲貨，牛肉無甜辣醬蘸是一個不地道的敗筆﹔牛展重膠質，吃落味道雖不夠卻軟熟。可添加的只是青檸及辣椒粒，比起香港其他越南牛河食市又有薄荷葉九層塔芽菜等成籃自已添加的，又遜一步，既是胡志明出品，賣的是地道牛河，沒有可能不知道越南人是如何吃牛河吧？河粉唔知搞咩粗幼不一，幾條粗又搭住幾條幼，質量有0的問題。沙律接近60蚊一碟，份量極少，蝦吃落辣鮮亦彈牙，柚子清甜，個汁做得好酸甜有致十分開胃惹味﹗整體味道是合格的，但吃來不地道