豚王 (已搬遷) 新店位置

呢間真係好犀利,長期都要排隊,諗住星期四夜晚已經十點,點知都仲要排,不過15分中就入到去,佢話要等齊人先入得.原來間店舖好細,所以食完就要走冇得坐多陣,咁我就點左個豚王,諗住第一次黎食緊係要食主打啦,佢比張紙我地填,咁我填左面係普通,(唔硬唔軟),湯都係普通(唔濃唔淡),選左肩肉好快就上枱啦,個湯真係好好味,味道較得適中,真係好普通(唔淡唔濃),但係我反而覺得個面硬左少少,咁我下次係咪應該要揀軟呢?反而我覺得冇乜拉面感覺,面唔吸引,反而因為個湯底太好味令到成碗感覺加分,咁個肉呢,都好好食,佢唔UN,,又唔會好易散開,不過都幾貴,80蚊一碗,加半熟蛋要15蚊,個環境又麻麻,我同朋友先前都一齊食過一風堂(一年前),都係CwB,環境好D,價錢都平D,其實我覺得仲要好食D,總括係好味既,下次可以試下軟身面,可能會比較O岩我心水!