越潮

營業中

休息中

招牌火車頭 $60(牛丸、牛肉、牛腩、牛柏葉、扎肉)火車頭用料十足，滿足我每樣都有得試，牛腩切得較碎，小小片但肉質有點硬，豬耳扎肉爽脆好味，牛柏葉爽口不會韌，食落冇異味，牛肉片唔係肥部位，都唔會覺得嚡口，牛丸唔算好彈牙。生牛肉河粉配春卷$49一碗pho最重要係湯底，先飲一啖熱湯，湯底濃郁鮮甜，濃濃的牛味，飲得出用牛⻣去熬，飲左唔會口渴，一啲都唔油膩，每條河粉吸滿湯汁，食落好滑溜，生牛肉軟腍幼滑，肉質鮮嫩，鮮味十足，春卷外皮酥脆，唔覺得油膩，午餐配小食，好抵食。