影片
更多
2009-07-30
17 瀏覽
30-7-2009經常去灣仔食飯, 但來來去去都係皇后大道東一帶的橫街及食廈, 偏偏朋友公司搬了到新鴻基附近, 約食 lunch 係時候 explore 一下灣仔尾段了. 睇 Openrice「灣仔專頁」地圖及食評, 最後鎖定呢間居酒屋試試.叫了燒魚定食 ($70), 跟兩款前菜, 漬物, 沙律, 味噌湯及水果:前菜 #1 係菠菜, 淋上木魚清湯 (?), 清淡的開始.前菜 #2 係牛蒡, 賣相麻麻, 食落腍腍的, 甜甜哋, 清新亦幾得意.菜沙律夠新鮮, dressing 份量夠, 酸酸的夠晒開胃.味噌湯有細細粒滑滑的豆腐, 及脹卜卜腐皮, 味道清甜, 帶點住家 feel, 又幾好飲喎.鹽燒鯖魚: 燒得香, 勁多魚油漏晒出來, 魚肉鹹香唔硬, 但實在油了 d, 唧多點檸檬汁較易入口亦較好食; 白飯比較軟, 唔會太濕, 米香 ok, 都 ok, 係呢碗 (http://www.openrice.com/restaurant/commentdetail.htm?commentid=1998392) 好食好多咁0者.朋友(又)食蔥吞拿茸丼 ($100), 跟前菜, 沙律, 湯烏冬及水果
經常去灣仔食飯, 但來來去去都係皇后大道東一帶的橫街及食廈, 偏偏朋友公司搬了到新鴻基附近, 約食 lunch 係時候 explore 一下灣仔尾段了. 睇 Openrice「灣仔專頁」地圖及食評, 最後鎖定呢間居酒屋試試.
叫了燒魚定食 ($70), 跟兩款前菜, 漬物, 沙律, 味噌湯及水果:
前菜 #1 係菠菜, 淋上木魚清湯 (?), 清淡的開始.
前菜 #2 係牛蒡, 賣相麻麻, 食落腍腍的, 甜甜哋, 清新亦幾得意.
菜沙律夠新鮮, dressing 份量夠, 酸酸的夠晒開胃.
味噌湯有細細粒滑滑的豆腐, 及脹卜卜腐皮, 味道清甜, 帶點住家 feel, 又幾好飲喎.
鹽燒鯖魚: 燒得香, 勁多魚油漏晒出來, 魚肉鹹香唔硬, 但實在油了 d, 唧多點檸檬汁較易入口亦較好食; 白飯比較軟, 唔會太濕, 米香 ok, 都 ok, 係呢碗 (http://www.openrice.com/restaurant/commentdetail.htm?commentid=1998392) 好食好多咁0者.
朋友(又)食蔥吞拿茸丼 ($100), 跟前菜, 沙律, 湯烏冬及水果: 試了點烏冬, 好滑溜, 彈牙度一般, 湯清甜, 唔出色但已好過唔少地方的; 又試了一啖蔥吞拿茸, 味道我覺得 ok, 不過朋友嫌 d 吞拿「無乜味」, 船街嗰間迴轉店 (http://www.openrice.com/restaurant/commentdetail.htm?commentid=2012907) 仲好食咁話...
食物不錯, 招呼亦好, 環境日本 feel, 所以 lunch 十分墟冚, 好在早一日訂了檯
連加一每人約 $90 埋單, 值得試試的.
張貼
