頂好海鮮酒家

營業中

休息中

今日我帶咗喺溫哥華返來的好朋友去咗我遺忘了很久的尖沙咀頂好海鮮酒家一起食午餐，幸好朋友話想食從來沒有食過的好嘢，我才醒起這裏，女公關一見到我問我點解咁耐唔嚟，唔知點解我咁誠實話佢知我唔記得呢度，朋友和他的太太還有三個子女都很喜歡這兒的食物，特別係整得好食過星加坡人的海南雞飯、還有鮑汁雞腳、杏汁雪映包、陳皮鴨腿湯飯、燒乳豬拼叉燒、椒鹽魷魚鬚、彈牙的蜆芥鯪魚球（蜆芥還混合了新鮮的蔥絲，一絲不苟）、入口即溶的兩客蝦子柚皮，蛋白杏仁茶和臭草綠豆沙，送的兩碟酸薑皮蛋好食到震，埋單$945.2。酒樓好明顯裝修過，唔再以紅色為主，摩登舒服多，但是枱與枱之間的距離還是稍為太近，但係當時影相幫我地影相嘅時候居然可以有很多光暗制調節燈光。唯一桂花酒香鴨舌不好吃。下次要早啲預訂今日食唔到嘅橙色嘅生腸和燒鵝先！呢度唯一嘅缺陷係地牢，對於有膝關節痛運動人士及長者不太方便（即是樓梯設有輪椅上落器）。