影片
更多
2017-11-26
4046 瀏覽
身邊素食朋友約食飯，地點當然由佢負責。收工過到黎觀塘見時間尚早就睇左陣STARWAR展先，等到朋友都到埋就行過黎尚素。路程唔使五分鐘，都幾就腳。因為餐牌實在太多選擇，朋友驚我選擇困難症又發作就揸主意點左個二人餐。二人餐可揀嘅其實都幾多，同埋價錢都幾實惠。餐湯係老火湯同竹笙燴素翅。飲落好夠火候同清甜，啱啱近排寒流龔港飲完暖笠笠。本身係可以升級做松茸湯的但見我地之後幾樣菜都係菇菌就唔升了，驚補得濟。頭盤係叉燒配海蜇及苦瓜涼伴珍珠耳。一食叉燒都真係有啲食肉嘅錯覺，用腐皮做成嘅素叉燒無論造型同埋味道都好真，燒焦香加埋入口甜甜咸咸咁真係幾好食。而海蜇係用蒟蒻做成，入口滑溜溜又有少少彈牙。微量麻辣味道十分開胃。珍珠耳都幾爽口，加上苦瓜除左好多苦味。兩者一齊食麻油香同回甘味夠清新。同叉燒一濃一清咁，配搭得幾好。麻香擔擔麵。份量十足，雖則係二人餐但份量足夠三至四人分都無問題。配料睇落唔多，但味道好濃郁。花生香同芝麻香十足，麵質夠彈牙混和花生碎同炸蒜夠晒香口惹味。干窩煸榆耳。榆耳睇餐牌介紹係高蛋白低脂肪嘅食材，又可以行氣活血係秋冬進補食品之一。除左榆耳入面仲有包括白木耳／珍珠耳／冬菇同埋秀珍菇等，十分豐
因為餐牌實在太多選擇，朋友驚我選擇困難症又發作就揸主意點左個二人餐。二人餐可揀嘅其實都幾多，同埋價錢都幾實惠。
餐湯係老火湯同竹笙燴素翅。飲落好夠火候同清甜，啱啱近排寒流龔港飲完暖笠笠。本身係可以升級做松茸湯的但見我地之後幾樣菜都係菇菌就唔升了，驚補得濟。
蜜汁叉燒拼麻辣海蜇
79 瀏覽
0 讚好
0 留言
一食叉燒都真係有啲食肉嘅錯覺，用腐皮做成嘅素叉燒無論造型同埋味道都好真，燒焦香加埋入口甜甜咸咸咁真係幾好食。而海蜇係用蒟蒻做成，入口滑溜溜又有少少彈牙。微量麻辣味道十分開胃。
珍珠耳都幾爽口，加上苦瓜除左好多苦味。兩者一齊食麻油香同回甘味夠清新。同叉燒一濃一清咁，配搭得幾好。
麻香擔擔拉麵
49 瀏覽
0 讚好
0 留言
麻香擔擔麵。份量十足，雖則係二人餐但份量足夠三至四人分都無問題。配料睇落唔多，但味道好濃郁。花生香同芝麻香十足，麵質夠彈牙混和花生碎同炸蒜夠晒香口惹味。
干窩煸榆耳
54 瀏覽
0 讚好
0 留言
除左榆耳入面仲有包括白木耳／珍珠耳／冬菇同埋秀珍菇等，十分豐富。因為仲用左幾樣鮮／乾辣椒黎爆炒，所以味道偏香辣濃郁，配上腰果食令人口除左榆耳本身嘅爽口仲多左層脆卜卜嘅口感。食多幾口都唔會覺膩。
牛肝菌香煎芙蓉鮮竹
47 瀏覽
0 讚好
0 留言
經過香煎後嘅牛肝菌同腐竹，除左香口之外亦保持軟嫩。菌香，蛋香，同豆香均勻，平平無奇嘅煎蛋係加入其餘兩樣材料之後，意外的好食。
最後食埋糖水蓮子桂花小丸子，清甜又解辣。
聽朋友講近年素菜愈來愈多變化，而呢度採用養生保健菇菌概念製作，醫食同行得黎又夠好味，朋友今餐真係無介紹錯。
張貼
