影片
更多
2022-08-20
64 瀏覽
前幾日同朋友去開將軍澳海邊，行行下好想打邊爐，夜晚朋友就提議去食湊湊，佢話依家有湊湊夜市活動，六點後埋單嘅話，消費每滿$500 就有一次機會玩套圈圈遊戲，大獎係$1200現金卷，所以佢好想試下。食落都坐得幾舒服。臺式麻辣鍋 $198麻辣味香而不嗆。仲有得無限加鴨血同豆腐，入味好食。除左豆腐同鴨血之外，仲有唔少菇類喺鍋入面，材料幾豐富。巴沙魚 $58份量唔少，魚肉食落嫩滑唔腥。放入麻辣湯底就有少少水煮魚嘅感覺，正。黑虎蝦蝦卷 $68呢個小食好食，外層皮薄而炸得香脆，內層嘅蝦肉彈牙，入口有啲甜甜地，食到停唔到口。精制蝦丸 $59蝦丸有四粒，食落係足料嘅蝦肉，彈牙好食。鹵牛肚 $68分開兩邊咁裝住，擺得幾靚。牛味濃郁。伊比利亞黑豬肉 $138呢份豬肉好好食，肥瘦適中，肉質嫩滑，味道香濃，同朋友爭住食！美國特選級牛小排 $228牛小排啲雪花好靚，簡單淥一淥就食得，入口油脂豐富，充滿滿足感。粉絲 $28有三大束粉絲，同湯底好夾，入曬味。大紅袍珍珠奶茶 $33超大杯，兩個人share都夠飲。茶味香濃，珍珠煙韌。食食下有免費嘅菠蘿沙冰同梅子茶凍食，正。臨走前發現原來9點半後入座會有宵夜 8 折優惠，
臺式麻辣鍋 $198
麻辣味香而不嗆。仲有得無限加鴨血同豆腐，入味好食。除左豆腐同鴨血之外，仲有唔少菇類喺鍋入面，材料幾豐富。
巴沙魚 $58
份量唔少，魚肉食落嫩滑唔腥。放入麻辣湯底就有少少水煮魚嘅感覺，正。
黑虎蝦蝦卷 $68
呢個小食好食，外層皮薄而炸得香脆，內層嘅蝦肉彈牙，入口有啲甜甜地，食到停唔到口。
精制蝦丸 $59
蝦丸有四粒，食落係足料嘅蝦肉，彈牙好食。
鹵牛肚 $68
分開兩邊咁裝住，擺得幾靚。牛味濃郁。
伊比利亞黑豬肉 $138
呢份豬肉好好食，肥瘦適中，肉質嫩滑，味道香濃，同朋友爭住食！
美國特選級牛小排 $228
牛小排啲雪花好靚，簡單淥一淥就食得，入口油脂豐富，充滿滿足感。
粉絲 $28
有三大束粉絲，同湯底好夾，入曬味。
大紅袍珍珠奶茶 $33
超大杯，兩個人share都夠飲。茶味香濃，珍珠煙韌。
食食下有免費嘅菠蘿沙冰同梅子茶凍食，正。
臨走前發現原來9點半後入座會有宵夜 8 折優惠，下次有機會再食先。
張貼
