曲奇阿嬸 (已搬遷) 新店位置

今曰放工經過灣仔利東街一家賣cookie 舖頭 “曲奇阿嬸”，見到有軟cookie 賣，立即走入咗去睇吓。入到舖頭，店員態度熱誠地介紹每款軟cookie 的特點。更特別推薦一款春節期間限定的 “臘腸鹹蛋黃 Cookie” ，聽完介紹覺得好特色就買塊試吓。臘腸鹹蛋黃 Cookie，曲奇面鋪咗一片臘腸，曲奇裏面包咗細細粒鹹蛋黃。曲奇質感鬆軟似蛋糕，配咗一片臘腸產生雙重口感。另外，臘腸更是整塊cookie 的靈魂，帶出cookie 獨有鹹香滋味。喜歡試新口味嘅朋友，值得試吓！