影片
更多
2020-06-17
2075 瀏覽
今日去左葵興Little Mario’spi Pizzeria食野。餐廳入面座位寬敞，裝修比較意式風格。一入到去店員安排我地坐低後好貼心咁比左2個folder我地裝起個口罩。首先上菜既係芝士煙熏三文魚沙律。三文魚處理得好好，煙熏既三文魚比起普通三文魚除咗有煙熏既味道，仲會有少少咸味，而且冇普通三文魚咁滑潺潺既口感同腥味。上面既芝士咸度適中，配上煙熏三文魚同沙律菜，十分清爽，唔好有好漏唔想再食既感覺，反而令我食完係會想再食。跟住黎既係柚子焗雞翼。雞翼上面鋪滿左金黃既柚子醬，望落非常有食慾！味道黎講，雞翼配上柚子醬我原本以為會只有甜味，估唔到食落係酸酸甜甜，有好fresh既柚子清香，非常開胃！最後我地食左一個small size既Margarita Fungi Prosciutto Pizza。煙肉配上香濃既醬汁，簡直係perfect match。上面仲有磨菇，食落口感非常豐富。我地分別叫左一杯Frozen Margherita同一杯熱朱古力。呢度既Frozen Margherita同平時飲開既Margherita最唔同既地方係呢度既Margherita係用左沙冰既形式，所以就叫Froze
今日去左葵興Little Mario’spi Pizzeria食野。餐廳入面座位寬敞，裝修比較意式風格。一入到去店員安排我地坐低後好貼心咁比左2個folder我地裝起個口罩。
首先上菜既係芝士煙熏三文魚沙律。三文魚處理得好好，煙熏既三文魚比起普通三文魚除咗有煙熏既味道，仲會有少少咸味，而且冇普通三文魚咁滑潺潺既口感同腥味。上面既芝士咸度適中，配上煙熏三文魚同沙律菜，十分清爽，唔好有好漏唔想再食既感覺，反而令我食完係會想再食。
跟住黎既係柚子焗雞翼。雞翼上面鋪滿左金黃既柚子醬，望落非常有食慾！味道黎講，雞翼配上柚子醬我原本以為會只有甜味，估唔到食落係酸酸甜甜，有好fresh既柚子清香，非常開胃！
最後我地食左一個small size既Margarita Fungi Prosciutto Pizza。煙肉配上香濃既醬汁，簡直係perfect match。上面仲有磨菇，食落口感非常豐富。
我地分別叫左一杯Frozen Margherita同一杯熱朱古力。呢度既Frozen Margherita同平時飲開既Margherita最唔同既地方係呢度既Margherita係用左沙冰既形式，所以就叫Frozen Margherita。而且佢地落既酒都冇平時飲開既多，比較容易入口。而熱朱古力就冇平時飲既甜，朱古力味好重，就好似真係食緊朱古力咁，上面重有拉花，非常有心思！
總括黎講，呢間既餐廳員工細心，食物水準十分高，價錢方面我地2個人埋單係$290左右，價錢合理，下次會再幫襯！
張貼
