影片
更多
2015-03-22
402 瀏覽
最近有點小忙，不想留在家裏吃的晚上約了阿爸阿媽出黎打個邊爐，阿爸話未食過雞煲，咁不如就今晚試一試佢。同事強烈推薦奇樂雞煲，話其食材真材實料，樣樣新鮮制造，絕非交黎嘅冰鮮貨！無添加食材食得安心，亦適合三高嘅父親大人，咁就食呢間啦。坐低慢慢睇下叫咩，店員好快上左小食花生，豉油，仲有其他配料，落左少少芫荽，青蔥，同辣椒，唔會太搶味。先叫左一支啤酒，另外仲叫左罐忌廉同蜂蜜綠茶，飲品餐牌上選擇幾多，點餐酒嘅話仲有桶蠔送！今晚揀左椰子湯底，而雞要左香港bb雞。椰子湯底果真真材實料，十分清甜，啖啖椰子香，阿爸連飲兩碗停唔到口。雖然係叫bb雞，但店員解釋係指啲肉好似bb咁嫩，並唔係指個size，拿拿淋落哂啲雞，煲一煲，再焗一陣，食得！雞肉十分嫩滑，真係脂肪少，雞味濃，要講返句雞有雞味！食緊雞嘅期間，叫左嘅配料陸續咁黎，賣相一流。手打墨魚滑 $88滿滿一條，好彈牙，食得出唔係溝粉，墨魚嘅鮮味係哂度。鬼馬油炸鬼 $88等緊啲料滾嘅時候食一流，又香又脆，一啲都唔油膩，又係好爽好彈牙，正！特級手切肥牛 $238濃濃嘅牛味，不肥但絕對唔韌，就算淕好耐都唔會鞋，同一般肥牛好唔同，一塊接一塊停唔到口。蓮藕片 $38
同事強烈推薦奇樂雞煲，話其食材真材實料，樣樣新鮮制造，絕非交黎嘅冰鮮貨！無添加食材食得安心，亦適合三高嘅父親大人，咁就食呢間啦。
坐低慢慢睇下叫咩，店員好快上左小食花生，豉油，仲有其他配料，落左少少芫荽，青蔥，同辣椒，唔會太搶味。
先叫左一支啤酒，另外仲叫左罐忌廉同蜂蜜綠茶，飲品餐牌上選擇幾多，點餐酒嘅話仲有桶蠔送！
今晚揀左椰子湯底，而雞要左香港bb雞。椰子湯底果真真材實料，十分清甜，啖啖椰子香，阿爸連飲兩碗停唔到口。雖然係叫bb雞，但店員解釋係指啲肉好似bb咁嫩，並唔係指個size，拿拿淋落哂啲雞，煲一煲，再焗一陣，食得！雞肉十分嫩滑，真係脂肪少，雞味濃，要講返句雞有雞味！
食緊雞嘅期間，叫左嘅配料陸續咁黎，賣相一流。
手打墨魚滑 $88滿滿一條，好彈牙，食得出唔係溝粉，墨魚嘅鮮味係哂度。
鬼馬油炸鬼 $88等緊啲料滾嘅時候食一流，又香又脆，一啲都唔油膩，又係好爽好彈牙，正！
特級手切肥牛 $238濃濃嘅牛味，不肥但絕對唔韌，就算淕好耐都唔會鞋，同一般肥牛好唔同，一塊接一塊停唔到口。
蓮藕片 $38有啲爽藕有啲粉藕，薄切，淖一淖食得。
手打四寶丸 $118大大粒好吸引，左起鯪魚丸，牛丸，蝦丸，墨魚丸。同樣爽口彈牙，滾完都無縮水㗎，無溝粉，無加味精，真係好食過凍肉舖嘅n倍。
雙拼餃 (奇樂水餃皇拼黑松露帶子餃) $138水餃蝦爽好香麻油味，帶子餃超香黑松露味帶子又甜又鮮，大大隻，皮薄得黎又唔會爛。
冰豆腐 $58豆味濃，口感似腐皮，哈哈，得意又好味。
唐蒿 $38唔係度度有唐蒿，亦唔係人人鍾意佢陣味，咁啱我同屋企人都勁鍾意，梗係要叫啦。大大盤好新鮮，吸埋湯汁食一流。
睇下幾多料，仲有新鮮牛肉先會有嘅粉紅色呀，唔好而為係唔熟呀！
一人圍起三百幾，夠三百五十就有雞煲半價，抵！
仲有其他優惠！
記住打卡！食飽飽抱住個肚仔走，哈哈~
張貼
