麵館皇 (已結業)

去銅鑼灣謝菲道搵食，開左間麵館皇，入面整齊企理，地方夠大，都坐得好鬆動。我地嗌左晚市套餐，滋補藥膳罐湯，見口水雞係招牌，就點左佢啦，一上碟，店員好細心咁嗌我地小心鍋邊熱親，佢地用左個大黑石鍋嚟盛面，入面嘅湯面會保住熱度，藥材味適中，見到有幾款藥材，所以個湯幾好飲，口水雞是另上的，而且份量都好多，辣辣地，很惹味，雞肉有雞味，而且都幾嫩滑，吾錯。係銅鑼灣食dinner 62蚊加3蚊有凍豆漿，幾抵食，又吾洗加一，味道又吾錯，值得推介。