Gathering (已結業)

一入店門就好有好感，三位店員非常友善，有禮，服務態度好好。仲見有客人自拍時就主動幫手影相，讚! 另又可見佢哋小心放餐具，三位好合作，好有安排! 麵包焗起暖暖，牛油花都唧到好靚南瓜湯一睇就知用新鮮南瓜蓉去blend, 味道香濃，入口好滑Salad都有驚喜, 沙律用上好新鮮既菜，再加咗鴨胸同埋新鮮嘅生果(橙)去品嚐，用料十足我哋比較喜歡魚同羊，放是揀咗香煎盲鰽魚柳拼亞阿廷紅蝦同孜然羊鞍扒。醃咗孜然嘅羊鞍冇咗羶味，仲好惹味，又煎得林，真係好得! 食完羊扒，再食伴碟既薯蓉，E? 味道咁得意既? 唔係鹹同甜咁簡單，原來廚師加咗薄荷係薯蓉到，同個羊扒match番，真係別有用心，而且效果好好! 其他扒會加唔同味入薯蓉到㗎，下次會試試！另一主菜是香煎盲鰽魚柳拼亞阿廷紅蝦。先講盲鰽魚，我覺得魚要煎得乾身先好味，皮要脆，哈哈，呢到做得到，好好味呀！今次配魚既薯蓉係原味，因魚既味效淡，唔可以加味係薯蓉到，而薯蓉既質感係好好，食得出係真材實料，唔係溝粉既薯蓉!食物同服務都咁好，唔怪得入座後一陣都坐咗九成人啦！