日日香鵝肉飯店 (黃埔新邨) (已結業)

因為喺黃埔有一間甜品舖好想去試，所以晚飯都決定要喺黃埔解決。 民泰街出名多嘢食，我同朋友當日就特別想食燒味，行經呢間滷水鵝肉店，心諗都同燒味差唔多就決定入去一試。由於有點肚餓同懶惰，見到佢有個二人餐唔使諗就即刻揀咗佢。二人餐二百零蚊，包左每人一碗白飯，一碗鵝骨湯，小食，油菜，及一碟滷水鵝。 小食我哋分別揀咗鵝腎及豬手，其實每樣野嘅份量唔會多，但兩個人分就啱啱好。個人覺得成餐飯最好食嘅就係鵝肉，肥瘦均勻，而且滷水好入味，招牌菜果然冇令人失望。反而少食油菜及湯就比較正常，建議大家可以試吓佢其他食物例如煎豪餅烏頭等等潮州美食，下次我都會咁試。