大滿喜日本料理 (已結業)

同朋友食飯，最好食放題，因為大家都食到自己鍾意既野。所以今日同朋友食大滿喜，可能5點半時間尚早，只有幾檯客，但好彩我地早黎，如果唔係就要等位了。環境光猛整潔，位置也寬敞，坐得舒服。點餐紙有埋圖片，咁就容易揀食咩啦~一開始我叫左個沙律令自己開胃一點，沙律菜新鮮，蝦也很彈牙。放題不少得既係刺身，因為我本身鍾意食蝦，所以點左好多款蝦，赤蝦、甜蝦、泰式生蝦，仲有三文魚、貝柱，飽魚片。三款蝦之中，泰式生蝦是驚喜，酸酸辣辣的好好味，三文魚也好厚身。來點熟食，點了羊架, 有好香的羊味同孜然粉的味，我食左2件，哈哈串燒烤物也不錯，我又點了蝦，刺身同串燒各有各好。天婦羅很鬆脆，除了天婦羅蝦，我還試了天婦羅玉子，好好食呀。芝士焗鮮貝，呢個真係必食，帶子又夠，大隻好好味。長腳蟹粥，食左咁多野，可以食淡粥清一清個口，長腳蟹好有海水咸味。炸雞翼，炸蠔，炸芝士，炸榴槤。炸蠔同炸榴槤我好鍾意，香脆又唔油，下次再黎一定encore!!!食咁多野每人都係180蚊，抵食呀!!!總結而言，大滿喜食物質素不錯，環境舒適，侍應友善而且好快手，價錢適中。