影片
更多
2023-04-04
33 瀏覽
今日同屋企人喺呢個商場行完街餓餓哋，見到呢間餐廳海報夠晒噱頭，寫住星期六、日有個船麵挑戰叫“我要食十碗”，如果上到榜就會送$120 禮券，另外冠軍可能全年免費食麵。雖然我地無可能上榜，不過因為屋企人鐘意食船麵，所以都決定入去食個晚飯。餐後屋企人都話食物有質素，可以再食！我地點左個湄南大船麵，材料豐富，有魚蛋，豬肉丸，肉片，白蘿蔔同芽菜等等，湯底非常香同濃郁，而家同泰國食到嘅都十分相似，仲有脆脆炸豬皮，粉麵吸收晒湯汁精華，加埋各種香葉，食落非常之清新！另外要咗個海鮮冬陰功粉麵，冬陰功湯底都幾有辣勁但係唔會得個辣，飲落夾有椰香同各種香料嘅香味，有種令人飲完一啖接一啖嘅魅力，而且食後又唔口渴。蝦肉唔會霉，大大隻夠彈牙，麵片夾埋啖啖湯汁，辣得過癮！跟餐有幾款小食可以揀，要左雞棗同蝦餅，小小份量但又可以過下食炸野口癮，雞棗外皮似腐皮卷，炸到脆卜卜，蝦餅都好食，我地仲特登散叫左一客，佢係一口大細，食得夠方便。至於海南雞配炒金邊粉，海南雞真係要瘋狂大讚，雞味濃郁，平時唔點食雞皮嘅我都忍唔住，滿滿雞油香，外皮好似食啫喱咁Q彈，雞肉嫩滑唔會鞋。金邊粉亦都好味道，炒嘅時間岩岩好，彈牙有咬口，調味酸酸甜甜好
雖然我地無可能上榜，不過因為屋企人鐘意食船麵，所以都決定入去食個晚飯。餐後屋企人都話食物有質素，可以再食！
我地點左個湄南大船麵，材料豐富，有魚蛋，豬肉丸，肉片，白蘿蔔同芽菜等等，湯底非常香同濃郁，而家同泰國食到嘅都十分相似，仲有脆脆炸豬皮，粉麵吸收晒湯汁精華，加埋各種香葉，食落非常之清新！
另外要咗個海鮮冬陰功粉麵，冬陰功湯底都幾有辣勁但係唔會得個辣，飲落夾有椰香同各種香料嘅香味，有種令人飲完一啖接一啖嘅魅力，而且食後又唔口渴。蝦肉唔會霉，大大隻夠彈牙，麵片夾埋啖啖湯汁，辣得過癮！
跟餐有幾款小食可以揀，要左雞棗同蝦餅，小小份量但又可以過下食炸野口癮，雞棗外皮似腐皮卷，炸到脆卜卜，蝦餅都好食，我地仲特登散叫左一客，佢係一口大細，食得夠方便。
至於海南雞配炒金邊粉，海南雞真係要瘋狂大讚，雞味濃郁，平時唔點食雞皮嘅我都忍唔住，滿滿雞油香，外皮好似食啫喱咁Q彈，雞肉嫩滑唔會鞋。金邊粉亦都好味道，炒嘅時間岩岩好，彈牙有咬口，調味酸酸甜甜好開胃！
張貼
