666泰船麵 (德輔道西) (已結業)

去完西環碼頭打卡，唔熟呢頭，經過見到呢間鋪幾特別，門面又有好多明星相幫襯咁，於是就入去試下。黑松露海南雞飯一嚟到見到呆左，啲黑松露多到好似唔洗錢咁，初頭以為佢係得少少，點知係海量，真係好誇張。食之前會以為黑松露配海南雞會怪怪地，點知係意外地match! 黑松露嘅香氣，完完全全係幫成個菜式嘅味道提升到另一個層次，絕對會令人想一啖接一啖雞肉方面口感好嫩滑，亦都好夠味；而飯都炒得好鬆軟好新鮮。食完個飯唔會好口渴，即係代表唔會落重味精或者鹽！