影片
更多
2014-07-07
877 瀏覽
一向都係意粉屋fans, 今次見佢有summer set, 多左點新款的野食, 就打算幫襯下。唔知係咪開始summer job 的關係, 見到點侍應好似新新地咁, 我地坐低好耐都冇主動問要暖水定凍水, 到我地出聲先識攞水過來, 落單又等左好耐先有人serve, 不過好彩食物質素依然, 冇被summer job 影响度。今次叫左個summer set, 再外加左個闊麵, 好滿足 湯係蟹肉粟米忌廉湯~聞落好香粟米味,不過飲落似罐頭湯feel, 但勝在真係有大大塊鮮蟹肉, 都ok la夏日香芒烤雞pop up pizza~因為之前食過佢的芒果pop up pizza好好食,見佢今次又出新款, 忍唔住要試。不過今次有點失望, 個人覺得佢今次用的pizza 醬比較淡,唔係好食到咩味, 最重要的係洋蔥生左點同埋量多, 食落覺得好辣, 不過可以讚的就係上面點烤雞好香, 整體來講普通la, 冇再食的必要皇牌芝士焗煙肉雞闊麵~通常食闊麵都係茄汁, 今次就想試下其他, 所以order 左呢個。焗得好香, 可能佢用左蛋黃忌廉的關係, 一路食的時候都有好香的蛋味, 加上個cream 好滑, 淨食個crea
一向都係意粉屋fans, 今次見佢有summer set, 多左點新款的野食, 就打算幫襯下。唔知係咪開始summer job 的關係, 見到點侍應好似新新地咁, 我地坐低好耐都冇主動問要暖水定凍水, 到我地出聲先識攞水過來, 落單又等左好耐先有人serve, 不過好彩食物質素依然, 冇被summer job 影响度。今次叫左個summer set, 再外加左個闊麵, 好滿足
湯係蟹肉粟米忌廉湯~聞落好香粟米味,不過飲落似罐頭湯feel, 但勝在真係有大大塊鮮蟹肉, 都ok la
夏日香芒烤雞pop up pizza~因為之前食過佢的芒果pop up pizza好好食,見佢今次又出新款, 忍唔住要試。不過今次有點失望, 個人覺得佢今次用的pizza 醬比較淡,唔係好食到咩味, 最重要的係洋蔥生左點同埋量多, 食落覺得好辣, 不過可以讚的就係上面點烤雞好香, 整體來講普通la, 冇再食的必要
皇牌芝士焗煙肉雞闊麵~通常食闊麵都係茄汁, 今次就想試下其他, 所以order 左呢個。焗得好香, 可能佢用左蛋黃忌廉的關係, 一路食的時候都有好香的蛋味, 加上個cream 好滑, 淨食個cream時有一刻感覺似食緊cream brulee入面個層蛋咁
星級醬燒珍寶豬肋骨~平時見到set有呢個都會避開唔叫, 因為怕會好韌, 又覺得食骨唔方便, 但我同老公都唔食青口, 所以冇選擇下就叫左。不過今次做左個正確決定, 因為呢個真係好好食, 有點驚喜, 個醬酸酸甜甜咁仲有點好香的香料味, 點肉一點都唔韌, 燒得好冧, 一咬就離骨, 唔會好似出面有點餐廳咁咬勁都咬唔爛。點醬又夠多, 雖然係燒但感覺都唔會覺得好乾, 上枱時暖暖地加埋點醬食好好食。果然係9大熱賣其中之一,下次都會再order呢個
朱古力班戟+雲呢拿雪糕~個人覺得呢個唔好食, 因為一上枱點朱古力已經好融, 加上有點金黃色的油不停流出來, 睇到就覺得好似好肥咁, 已經唔多想食la, 食落就覺得三樣野係分開的, 因為香古力太融,流晒出來,基本上食pancake 時都唔係好feel 到朱古力味, 如果朱古力可以cream返少少, 唔好流晒出來可能會好食好多。冇諗過食pancake 都會有種咁油膩的感覺
最后飲品就係我最愛的粉紅甜蜜~即係西柚汁加蜂蜜同蘆薈, 因為介左凍飲同咖啡, 所以呢個特別的熱飲就啱我, 唔會太甜, 西柚又可消滯, 食完點咁heavy 的野啱晒。老公個杯香橙二重奏, 原來係沙冰, 不過飲落有點藥水味, 飲唔出有橙味
張貼
