潮藝館

營業中

休息中

位於尖沙咀iSquare嘅「潮藝館」，潮字除咗表示係潮州菜之外，餐廳係走「潮」風格，潮流時尚有格調那種，裝潢燈光氣氛好舒服，甚至有bar枱，菜色都係用創意手法製作經典潮州菜。◇ 五小福五款前菜，又精緻又有特色，包括梅子涼瓜、串茄核桃沙律、椒麻糖心帶子、酒香醉鮑魚同潮式炸粿肉，最有驚喜係串茄核桃沙律，表面以為普通串茄，食落先發現有核桃沙律餡料，味道好夾◇ 方魚炒芥蘭方魚加芥蘭可為絕配冇得輸，印象最深刻係芥蘭，超級綠，超級香口爽口◇ 潮州翅燉盅上能好好保持溫度，魚翅厚身爽口，味道濃郁◇ 青花椒焗黃花扒黃花扒煎得外脆內軟，肉質保持爽口，波菜汁提升味道層次◇ 層出不同這道「層出不同」可以食出不同層次味道嘅炒飯，面層有紫椰菜，以為食緊沙律，炒飯夾雜蝦乾同咸肉，驚喜係有炸芋頭粒，每一口都有鮮味咸味咬口，豐富極了，而小編更喜歡它的擺盤，簡單又精美，令平凡嘅炒飯變得不平凡◇ 桂花糕常見嘅桂花糕做成花形，顏色仲有深淺層次，靚到唔捨得食，清香桂花味道，令人難忘