潮薈 (已結業)

一向都知銅鑼灣區多美食 難得友人可以準時收工 一於去銅鑼灣搵食試新野 其實一直以來都喜歡潮州菜 雖然不是潮州人 但對潮州菜式總是有種情意結 搵到呢間叫做潮薈既中式潮州菜館 潮薈以酒樓形式經營 朝早都有點心提供 跟一般酒樓無異 店內佈置有著古色古香既中式風情 座位間舒適唔會迫 令每位食家都可以安心用膳 看看餐牌 發覺美食款式不少 有馳名既滷水仲有其他特色潮州小菜 甫坐下就有前菜送上 前菜有香脆可口既魚仔乾、豆乾、蝦米同菜甫 豆乾入味而且味道不會太濃 帶點微辣好醒胃 好岩送潮州粥 滷水鵝肉色水唔淺架 滷得頗入味 肉質肥美 雖然不算嫩滑 不過味道可口不會過咸 鵝肉下仲有滷水豆腐 豆腐非常入味 而且份量都唔算少架 沙茶牛肉芥蘭炒得爽口 牛肉炒得嫩口不會過老 唯獨沙茶醬偏杰身 不過用來佐飯卻是一流 總括來說水準是有 還是可以再encore 下次大可試試其他滷水小菜以及海鮮小炒