好滾得 (已結業)

放工搵嘢食，又行行下行到去信和前d，即刻諗起上次中晒伏3百幾蚊個人都好似食屎甘果間x手工火鍋！今日就見到有人派傳單寫住新張優惠75折，傳單上面寫住係澳門廚神主理，避免中伏，即刻上網search下，原來宜位葉聖欣師父喺澳門真係幾有名氣見佢75折咁抵真係忍唔住上去試下，一坐低見到餐牌個名就覺得搞笑，呢度個招牌菜叫大石砸死蟹其實即係花甲蟹煲，問過店員份量，原隻膏蟹有成斤幾重，重要煲內有成斤花甲，一場嚟到就梗係食招牌菜啦，原價$448，75折完先3百幾，甘抵，即刻叫！1隻斤幾既膏蟹，街巿買都2舊幾啦！花甲街巿最平都$48，宜家折完堅抵食既！煲黎到真係有驚喜呀！蟹堅係爆晒膏，花甲肉飽滿，最估你唔到係個湯底嘩！好食過咩水佬榮多多聲啦！味道有層次，濃味得黎唔口渴！淨係煲都甘有水準，配料緊係唔洗講！墨魚丸超級讚，勁彈牙！好榮幸見到澳門教主真人，雖然話係藍帶廚神，但個人超Nice，專登過黎問我地食物如何，叫我地俾啲意見甘其他店員都好好禮貌，好讚呀！ 同店員傾開偈，佢地話11月中蟹煲9點半前做特價2百幾蚊咋！真係抵到爛呀！宜到絕對值得再黎同介紹俾朋友