影片
更多
2007-11-15
16 瀏覽
朋友生日，大班人諗點同佢慶祝。喺一個同事介紹下，揾咗呢間喺「開飯啦」網頁毀譽參半嘅餐廳–Samba Restaurant （尖咀美麗華商場諾士佛街二樓七号舖）呢間餐廳嘅特式係如果有客人生日，落單滿三百蚊，佢地會為果枱客送上源源不絕嘅驚喜。驚喜包括﹕-免費生日咭-香檳一杯-免費香檳杯一只-寫有生日客人名嘅火焰旦糕一個-紅雞旦一隻-Dim 暗燈好多waiter / waitress 圍住一齊唱生日歌-免費「寶麗來」相一張於是我地訂咗 11 月9 日晚餐。落單前仲Confirm 咗有人生日同安排驚喜。結果‧‧‧要喺呢度寫吓我地嘅食後報告(下場)(1) 佈置: 幾好(2) 服務﹕好！每個員工都有熱情嘅笑容同態度(3) 效率﹕添水、收碟好快好密。最值得一提嘅係喺佢咁嘅價位（中）嘅餐廳，我未見過一間由落Order 到上菜都拍得住非繁忙時段嘅大家樂嘅餐廳。「怒」讚！！(4) 食品﹕份量好細，但整體算幾OK。不過，龍蝦湯冇肉，唔知乜嘢牌子嘅罐頭呢？定係Ｄ肉一味幾餸用咗去第二度？(5) 生日驚喜: - 生日咭﹕一入座就擺咗喺枱面，個生日嘅朋友睇到，冇哂驚喜- 火焰旦糕﹕真係有Friend 個名喎！（贊）
呢間餐廳嘅特式係如果有客人生日，落單滿三百蚊，佢地會為果枱客送上源源不絕嘅驚喜。驚喜包括﹕
-免費生日咭
-香檳一杯
-免費香檳杯一只
-寫有生日客人名嘅火焰旦糕一個
-紅雞旦一隻
-Dim 暗燈好多waiter / waitress 圍住一齊唱生日歌
-免費「寶麗來」相一張
於是我地訂咗 11 月9 日晚餐。落單前仲Confirm 咗有人生日同安排驚喜。
結果‧‧‧
要喺呢度寫吓我地嘅食後報告(下場)
(1) 佈置: 幾好
(2) 服務﹕好！每個員工都有熱情嘅笑容同態度
(3) 效率﹕添水、收碟好快好密。最值得一提嘅係喺佢咁嘅價位（中）嘅餐廳，我未見過一間由落Order 到上菜都拍得住非繁忙時段嘅大家樂嘅餐廳。「怒」讚！！
(4) 食品﹕份量好細，但整體算幾OK。不過，龍蝦湯冇肉，唔知乜嘢牌子嘅罐頭呢？定係Ｄ肉一味幾餸用咗去第二度？
(5) 生日驚喜:
- 生日咭﹕一入座就擺咗喺枱面，個生日嘅朋友睇到，冇哂驚喜
- 火焰旦糕﹕真係有Friend 個名喎！（贊）
「咦？點解冇Dim 燈嘅？」
「唔好意思，今日客人比較多。唔夠人手呀！」
「咁‧‧‧香檳呢？」
「唔好意思，今日客人比較多。冇晒啦！（我地好似喺頭輪客人喎？）」
「咁‧‧‧杯呢？」
「唔好意思，今日客人比較多。冇晒啦！」（我地好似喺頭輪客人喎？）
「又話有寶麗來相嘅？」
「唔好意思，今日客人比較多。冇晒啦！唔好意思，唔好意思。」
Waitress 七情上面嘅歉意同演技攪到我地都唔好意思發爛渣。只係負責安排今次活動嘅朋友覺得好似自己失職咁。
跟住，我地前面同後面兩枱原來都係生日，但係都只得疍糕。埋單每人HK$180 帶餓住個肚走。出到餐廳有個女人話「多謝，請再光臨！」一聽到呢句我朋友火都扯埋。同個女人投訴。
點知個女人Ｄ反應仲誇過個waitress 。
「冇可能，妳下次訂枱講明生日，我地一定會安排。」
「點會咁嫁？係邊果呀？」
「派曬？一定唔会，冇Ｄ咁嘅事！」
跟住仲叫埋佢partner （老闆）出嚟了解呢件事。
「係邊個咁講？」
其實，佢partner 剛才喺餐廳到巡來巡去，落手落腳，又點會唔為意一連幾張枱嘅生日都係乜都冇吖？况且眼見成晚都係得果一個女仔做送旦糕唱歌，佢地又點會唔知吖！
講完一大輪，個女老闆仲走去擺番個杯同一隻紅雞旦俾我地。算係擺平。仲派埋卡片叫再幫襯。
唉！都唔知佢好戲定係佢員工偷懶。猤 過，一間以「生月驚喜」為賣點嘅餐廳，面積唔大，仲有兩個咁肉緊Ｄ客嘅老闆坐陣，Ｄ員工竟然可以敢一而再咁「暗渡陳倉」。作為一個客，我會點諗？
如果我地每人有一百個Friends，我想佢地知道佢地最少少咗六百個潛在客戶。
再幫襯？香港唔係咁冇選擇呱？
張貼