校長燒肉日韓料理 (已搬遷) 新店位置

今晚兩丁友去咗食韓式燒烤放題，一坐低就見到有魚生同埋生蠔可以加錢升級。咁我哋當然加錢升級啦。話咁快啲生蠔同魚生就上枱，食得出係好新鮮嘅。食咗啲生嘢就出去自助區度揀啲嘢入嚟燒。食小小熟野打底再食多d魚生。佢呢度無論肉，菜定係魚嘅選擇都比其他同類型嘅韓燒多好多。一見到就流曬口水!!另外呢度嘅服務都幾貼心，加張吸油紙喺個燒烤爐度。一來可以吸油，二來燒起黎冇咁容易燶同埋痴住個爐。呢度啲材料除咗多選擇之外 ，仲好新鮮同埋醃得好入味。另外呢度有一樣嘢係令人好驚喜嘅就係佢哋嘅醬料非常非常之多有十幾款咁多，唔似得其他地方得三幾款。所以燒出嚟嘅肉，魚同蔬菜可以根據自己口味配搭唔同嘅醬料，非常之好食。我哋燒完一轉又一轉都唔記得攞咗幾多轉材料返嚟燒。淨係知道好好食同埋食到好飽!另外佢哋仲有三款唔同嘅湯任人揀。 我就揀咗人參雞湯清一清燒烤嘅熱氣 。另外佢哋嘅飲品亦都係非常之多嘅選擇，如果鍾意飲啤酒嘅朋友加少少錢仲可以任飲絕對抵過去酒吧。飲飽食醉之後仲有超過十幾款嘅甜品任揀。我只可以講以呢個價錢任飲任食真係超值，黎開元朗嘅朋友不妨試一試。