舞心拉麵 (已結業)

又有新拉麵鋪開張..." 舞心 " 拉麵,開正係銅鑼灣登龍街豚王對面,都岩嘅...可以執死雞 .登龍街最近開左好多新食市,越黎越旺...朋友叫我陪佢去羅素街買相紙,打算之後再去睇Battleship,食拉麵就最岩,快靚正,仲咁近添...因為新開張唔多人,只係等一張枱...門口仲放滿花籃,係門口等位時侍應為我地介紹同落單..對面豚王依舊排長龍......好快就有位,簡單嘅楓木裝修,大約有6張枱,好寬闊,坐得舒服d,牆身貼上海報裝飾......白(原味),黑(濃味),赤(辣味),3款選擇,都係豬骨湯底,同樣可加配料,蔥係Free嫁(對面豚王要$10)落單時可以揀麵軟硬度,軟,普通或者硬...一般鋪頭都係比凍水,但係依到係一杯凍嘅麥茶,好香,冇溝淡到ga...好鍾意呀!!!好似係北海道飲過個d......又一特別調味料,醬油生蒜片......我都係食原味,湯底好香豬骨味,唔肥膩,易入口,麵質剛好我要嘅普通,好爽,叉燒比較細塊,唔多肥膏位,不過冇咩味,白色嘅流心蛋唔錯...羽付餃子,底部煎唔夠乾,內裡有肉汁...自家製杏仁豆腐,有芒果或者士多啤利醬揀,原來d醬係用黎劃花,食落有好香杏仁味,好滑