馬場洞烤肉專門店 (新城市廣場三期) (已結業)

沙田新城市三期終於裝修好，仲多咗好多唔同嘅食肆，今日想食烤肉，入咗呢間韓燒店，原來係首爾馬場洞烤肉專門店，聽講係韓國好出名架！喺門口見到凍肉櫃，原來係用黎做濕式熟成處理，將肉類放係-2至-3度嘅環境360個鐘去熟成，可以提升肉質幼嫩及口感。坐低後來了五碟前菜，有泡菜、青瓜、沙律、豆腐等等，食落酸甜醒胃，如果有芽菜就更好😋第一之食，要試吓叫呢到嘅菲力牛扒，係牛肉最嫩嘅部位，油脂含量極低，呢度大約150g。職員幫我地切好後，再落鑊燒，先燒牛肉兩側，可以鎖住肉汁。大約5成熟，我就擺入口喇，口感的確好幼嫩，而且無筋。呢塊Majang特選黑毛豬肩肉，則用「乾式熟成」，將肉裡面嘅水份抽乾，肉味可以更濃郁！同樣先將兩邊烤熟鎖住肉汁，再剪開等入面都容易烤熟。燒好嘅肉可以放上烤架，一來唔怕過熟，二來可以暖住舊肉。職員端出一個小汽窩，蒸氣還伏伏伏伏聲，藥膳養生石窩飯熱辣辣送上，打開後聞到陣陣蒸飯香味。職員將蒸飯加入香菇、翠肉瓜、蘿蔔絲、素菜等等新鮮食材，攪拌後再加入麻油，食落一陣陣好香嘅麻油味，營養豐富達到養生之效。蒸飯真係百吃不厭，再夾埋頭先煮好嘅牛肉豬肉，份外惹味！