影片
更多
2021-10-19
532 瀏覽
係灣仔呢個美食區工作好幸福，想食咩種類既菜式都有。係呢區諗起想食越南野既時候，就自然會諗起呢間新竹源。.雖然係走平民餐廳格局，裝修講唔上係華麗但絕對整齊企理，用餐體驗良好。餐廳以卡位為主，大量二人四人六人卡位雅座，闊落好坐，服務員亦一貫地有善。.餐廳菜式豐富絕對係賣點之一，熱門嘅越式名菜款式呢度都會搵到。同同事都貪佢應有盡有各適其適，份量十足價格平民實惠，所以平日都幾旺場。.今餐點左佢地幾款人氣招牌菜式：1️⃣法式肝醬豬頸肉三文治 💲62⭐️4.2/5黎呢到基本上我必叫呢個法式三文治。餐廳用既法式麵包係鬆軟香脆型而唔係硬身咬口個隻，所以麵包鬆化入口即碎。三文治係足一份正餐份量，法包塗左牛油同肝醬，中間夾肥美豬頸肉同醃製蘿蔔同蔬菜，配搭清新醒胃。.2️⃣新竹源火車頭（1人份） 💲78⭐️3.7/5火車頭係餐廳招牌之一，有分一人同二人份，試過一次叫二人份個碗真係大到好似大面盤一樣誇張。想試多幾款野今次只點左一人份，牛肉湯頭濃郁清甜，河粉彈牙，配料牛肉份量多，香滑。而牛腩、牛柏葉、牛筋同牛丸質素四平八穩。份量超大係好味飽肚之選。.3️⃣ 香茅牛柳絲撈檬 💲603.8/5雖然越式三併撈檬都係常叫既熱門菜式，但
.
雖然係走平民餐廳格局，裝修講唔上係華麗但絕對整齊企理，用餐體驗良好。餐廳以卡位為主，大量二人四人六人卡位雅座，闊落好坐，服務員亦一貫地有善。
.
餐廳菜式豐富絕對係賣點之一，熱門嘅越式名菜款式呢度都會搵到。同同事都貪佢應有盡有各適其適，份量十足價格平民實惠，所以平日都幾旺場。
.
今餐點左佢地幾款人氣招牌菜式：
1️⃣法式肝醬豬頸肉三文治 💲62
⭐️4.2/5
黎呢到基本上我必叫呢個法式三文治。餐廳用既法式麵包係鬆軟香脆型而唔係硬身咬口個隻，所以麵包鬆化入口即碎。三文治係足一份正餐份量，法包塗左牛油同肝醬，中間夾肥美豬頸肉同醃製蘿蔔同蔬菜，配搭清新醒胃。
.
2️⃣新竹源火車頭（1人份） 💲78
⭐️3.7/5
火車頭係餐廳招牌之一，有分一人同二人份，試過一次叫二人份個碗真係大到好似大面盤一樣誇張。想試多幾款野今次只點左一人份，牛肉湯頭濃郁清甜，河粉彈牙，配料牛肉份量多，香滑。而牛腩、牛柏葉、牛筋同牛丸質素四平八穩。份量超大係好味飽肚之選。
.
3️⃣ 香茅牛柳絲撈檬 💲60
3.8/5
雖然越式三併撈檬都係常叫既熱門菜式，但今次想試埋香茅牛柳絲版本。呢到賣點係份量極大性價比特高，我覺得撈檬份量多到兩個女生share都未必食得完。粉多牛柳絲都好多，香茅牛柳絲野味，用黎配撈檬一流。
.
4️⃣越式拼盤 💲128
⭐️3.8/5
除左單點小食，餐廳仲提供好多款唔同既小食拼盤，涼盤、海鮮、經典越南小食拼都有，不愁做唔到選擇。揀左經典版本拼盤有春卷、粉卷、煎扎肉、豬肉蝦片。個人最喜歡係豬肉蝦片，豬肉係豬頸肉碎所以好香口。粉卷都係大大粒爆餡之作唔欺場。
.
總結：午晚市都有提供好多抵食嘅套餐，份量足價錢都相當經濟，暫時試過既菜式都幾有水準，值得回頭。
.
不專業食評 nei.foodie
法式肝醬豬頸肉三文治
$62
12 瀏覽
0 讚好
0 留言
新竹源火車頭（1人份）
$78
13 瀏覽
0 讚好
0 留言
香茅牛柳絲撈檬
$60
13 瀏覽
0 讚好
0 留言
法式肝醬豬頸肉三文治
$62
56 瀏覽
0 讚好
0 留言
越式拼盤
$128
12 瀏覽
0 讚好
0 留言
越式拼盤
$128
9 瀏覽
0 讚好
0 留言
張貼
