華香雞 (已結業)

話說好耐冇食過港式燒味，前幾日突然口痕就拉埋朋友去灣仔的「華香雞」，餐廳主打坊間少見嘅烏龍茶煙燻雞，位置唔算多，不過都見到唔少街坊點外賣返屋企食。<華香雞拼茶香雞飯> $60轉黃薑飯+$3凍鴛鴦奶茶+$3朋友鍾意食雞，於是叫咗雙拼華香雞x茶香雞。華香雞用咗餐廳秘製招牌白滷水浸製而成，屬於經典口味之一，雞味相當濃郁；茶香雞則是秘製醬油及烏龍茶燻製而成，煙燻味明顯，兩款雞肉質嫩滑鮮香，再加埋薑蓉食好正。我尤其喜歡茶香雞，連雞皮都非常入味茶香四溢。黃薑飯好香唔油膩，用咗雞湯黎煮，推介要轉黃薑飯。<豉汁白鱔煲> $118<黃薑飯> $15我就點咗豉汁白鱔煲，除豉汁之外，仲有仁稔、欖角、薑蔥、梅菜同麻辣口味。本身想叫仁稔白鱔試下，但店家話仁稔唔當造，所以叫咗豉汁口味，一大盤數唔少有幾多就鱔肉。白鱔爽口彈牙，豉汁既鹹香更能帶出白鱔既鮮甜。附送的老火湯喺花生鳳爪湯，雖然喺免費但有唔少料，上網查完先知原來呢個湯有健脾和祛濕的功效。