La Moo Moo' s Steak and Fries

營業中

休息中

今日去咗之前試過嘅一間樓上餐廳，整體感覺幾好幾抵食，值得再次分享。首先係前菜，有沙律同埋湯。凱撒沙律夠健康，配上芝士碎同香脆嘅麵包糠，口味唔會太淡。蕃茄湯，用新鮮蕃茄煮成，味道清新，夠曬開胃。當然唔少得餐包，外面少少烘過，脆脆地，裡面又夠軟熟。主菜我哋揀咗牛扒同埋黑松露意粉，配菜就揀咗薯條同薯蓉，呢度最正係可以無限refill 配菜，唔怕唔夠食。薯蓉非常creamy。230 gram安格斯平鐵牛扒，我叫咗五成熟，廚師嘅手勢非常好，做到外面焦香，同時入面仲係好幼嫩。點埋阿根廷青醬，別有一番風味。意大利黑松露蘑菇意粉，蘑菇嘅份量夠多，黑松露同橄欖油香氣濃郁，食完都令人回味，最後仲用黑松露醬嚟沾薯條，非常惹味，係一個意外驚喜。飲品方面叫咗凍檸茶同凍檸水，一路飲一路食追加嘅薯條。