金鳳茶餐廳

營業中

休息中

我住灣仔，金鳳同檀島兩間茶餐廳可以話係區內代表，可以話係景點級數。個人嚟講，我鍾意金鳳多啲。金鳳係出味長期排隊的，作為街坊，我當然係會響啲冇人排隊嘅時間幫襯，即係大約朝早11點半或之前。金鳳最出名係冇冰凍奶茶、菠蘿油同埋蛋撻，都值得食。不過其實佢啲餐都OK的，感覺上近年佢地個餐嘅火腿奄列大份咗，質素提高咗，值得為咗佢而叫午餐。至於服務，可能我去親都係非繁忙時間，所以招呼OK。其他排隊時間我唔知，所以講唔到。