影片
更多
2023-01-11
265 瀏覽
行過銅鑼灣利景酒店，望到對面街有餐廳新開張，啲花牌多到嘭嘭聲，所以吸引左我望下到底係咩來頭，原來係一間頂樓酒吧主打有live Band嘅餐廳，見到咁大陣仗，所以之後朋友聚會我就提議不如試吓呢間新餐廳。當日一行到入去，即刻比個live band show 嘅聲音吸引左，餐廳超好，咁安排咗我哋坐窗邊位，望到跑馬地馬場嘅景，整體感覺都好舒服同埋開陽，員工都幾Nice。Order嘅時候本來以為銅鑼灣區餐廳應該都幾貴，點知打開餐牌，發現價錢都幾大眾化，一個5個course嘅set, 都係$500左右，所以價錢來講冇得輸。個set入邊有龍蝦湯，我就即管試吓，係真。龍蝦湯，唔係出邊個啲龍蝦色素湯，超濃郁龍蝦味。個意大利飯係好正宗意大利做法，保持到啲飯硬身，我自己就好中意，睇大家個人口味。然後主菜牛肉，我叫左5成熟，肉質都好嫩，冇overcook,所以都好唔錯。甜品我就揀左芒果拿破崙，不過我本人就唔太好甜品，所以覺得只要唔係太甜都ok嘅！臨走之前都同朋友上咗佢哋個Roof Top Garden，見到都有心思嘅佈置，都打咗幾張卡，不過怕凍嘅關係就急急腳落返嚟。整體都覺得呢間新開餐廳唔錯，性價比都高，值得
當日一行到入去，即刻比個live band show 嘅聲音吸引左，餐廳超好，咁安排咗我哋坐窗邊位，望到跑馬地馬場嘅景，整體感覺都好舒服同埋開陽，員工都幾Nice。
Order嘅時候本來以為銅鑼灣區餐廳應該都幾貴，點知打開餐牌，發現價錢都幾大眾化，一個5個course嘅set, 都係$500左右，所以價錢來講冇得輸。個set入邊有龍蝦湯，我就即管試吓，係真。龍蝦湯，唔係出邊個啲龍蝦色素湯，超濃郁龍蝦味。個意大利飯係好正宗意大利做法，保持到啲飯硬身，我自己就好中意，睇大家個人口味。然後主菜牛肉，我叫左5成熟，肉質都好嫩，冇overcook,所以都好唔錯。甜品我就揀左芒果拿破崙，不過我本人就唔太好甜品，所以覺得只要唔係太甜都ok嘅！
臨走之前都同朋友上咗佢哋個Roof Top Garden，見到都有心思嘅佈置，都打咗幾張卡，不過怕凍嘅關係就急急腳落返嚟。
整體都覺得呢間新開餐廳唔錯，性價比都高，值得大家去試一試，希望之後可以繼續保持水準！
經典蟹肉龍蝦湯
52 瀏覽
1 讚好
0 留言
張貼
