影片
更多
2022-08-10
1319 瀏覽
又黎到灣仔lunch系列，今日朋友約左去哩一間靚靚餐廳（或者你可以話佢似一間cafe）食飯，因為佢之前喺隔離餐廳食野既時候，見到佢好多人排隊，所以就想試好耐。12點7去到餐廳已經要等緊幾枱，令到我對間餐廳嘅期望值都提升左好多，睇一睇個餐牌，價錢由60蚊到百幾蚊不等，算係正常。餐廳盡量都係等齊人先入座，入座前侍應已經會叫定你柯打野食，所以一入去就即刻上菜啦。芥末籽忌廉汁焗雞扒飯我自己就叫左哩個芥末籽忌廉汁焗雞扒飯，個飯嘅size比我想像中細，但上面有厚厚既汁同埋鋪哂芝士，食完都飽飽滯滯。但個飯賣相一般，而且雞扒比較軟，可能係冇特別炸過就放落去一齊焗，口感差D。味道方面，其實我食唔到芥末籽味，反而個忌廉汁有少少酸，雖然佢只係70蚊..但質素就真係只係一般..蒲燒鰻魚丼朋友就叫左個蒲燒鰻魚丼，哩個就更加冇咩特別，普通嘅調味，燒汁味唔夠濃，而且落左多蔥，平時比較少見，但個味道就唔係太夾。再加上賣相真係好一般，如果佢用返正方形既盒仔去裝住，都應該ok 啲。熱奶茶杯野飲反而係有D驚喜，一拎起以為係咖啡，因為好少可奶茶有泡。飲落都幾滑，但由於枱上面冇放糖，要糖就要問侍應拎..哩樣就未係好接受到。而且
12點7去到餐廳已經要等緊幾枱，令到我對間餐廳嘅期望值都提升左好多，睇一睇個餐牌，價錢由60蚊到百幾蚊不等，算係正常。餐廳盡量都係等齊人先入座，入座前侍應已經會叫定你柯打野食，所以一入去就即刻上菜啦。
芥末籽忌廉汁焗雞扒飯
芥末籽忌廉汁焗雞扒飯
48 瀏覽
0 讚好
0 留言
我自己就叫左哩個芥末籽忌廉汁焗雞扒飯，個飯嘅size比我想像中細，但上面有厚厚既汁同埋鋪哂芝士，食完都飽飽滯滯。但個飯賣相一般，而且雞扒比較軟，可能係冇特別炸過就放落去一齊焗，口感差D。味道方面，其實我食唔到芥末籽味，反而個忌廉汁有少少酸，雖然佢只係70蚊..但質素就真係只係一般..
蒲燒鰻魚丼
蒲燒鰻魚丼
55 瀏覽
0 讚好
0 留言
朋友就叫左個蒲燒鰻魚丼，哩個就更加冇咩特別，普通嘅調味，燒汁味唔夠濃，而且落左多蔥，平時比較少見，但個味道就唔係太夾。再加上賣相真係好一般，如果佢用返正方形既盒仔去裝住，都應該ok 啲。
熱奶茶
熱奶茶
18 瀏覽
0 讚好
0 留言
杯野飲反而係有D驚喜，一拎起以為係咖啡，因為好少可奶茶有泡。飲落都幾滑，但由於枱上面冇放糖，要糖就要問侍應拎..哩樣就未係好接受到。而且熱飲係要加5蚊，凍飲8蚊，唔覺唔覺又食貴左啲。
總括而言，一如題目，普通價錢，普通味道。可能間餐廳門面幾靚，啱打卡，我就冇特別影低啦。
張貼
