金潮榕火鍋刺身專門店 (已結業)

打邊爐一定要有靚牛肉係常識，這店巳經食過幾次，佢D手切牛肉每次都keep到水準，哩次叫左本地牛頸脊，牛味好重口感唔錯，其他食物好多都係自家制好新鮮，每次都一定會点，海虾雲吞（皮薄虾肉非常爽口，食得出用料新鮮），即炸響令（即叫即炸），手打墨魚丸，獅頭鵝腸（好肥美），聖子皇 (新鮮又大隻），湯底都好多選擇。今次揀左蕃茄海鮮蚧鍋(包括有盤海鮮:蚧，虾，白蜆，青口)蕃茄湯味道好濃，侍應叫我地飲碗湯再打邊爐，真係唔錯！見到間離枱碟泰式生虾刺身好正，大家都想試吓，所以叫左2碟，原來係用養係魚缸既海虾即叫即做，唔怪得咁鮮甜，今年生日飯熱熱鬧閙又一餐，總括打邊爐哩間都算唔錯，最好係佢地食飯無限時，慢慢坐都得！