白系之瀑日本料理 (已結業)

不經不覺，白系已開業約20年了。作為街坊，我和少奶不時也來幫襯。是晚又和少奶來吃任食火窩。雖說是周六，但人不太多。小食選了天婦羅和金菇牛肉卷，水準穩定，不過不失。另送的壽司也是普普通通。火窩料上枱，不算太豐富，只有牛肉、雞、菜、粉絲、鮮冬菇、金菇、蘿蔔和幾粒丸和烏冬，咦？以前有帶子架喎，乜宜家無左啦？牛肉很瘦，有d「鞋口」，丸類更是平價貨。不過唔緊要，我和老婆都唔係食肉獸，打邊爐都以蔬菜為主食，所以我地全程都只係叫多一盤菜就夠，所以先至會揀呢度。埋單一百八十幾蚊，ok啦。服務是中規中舉的，這晚老闆娘和侍應姐姐踢晒腳，當然不能期望太多，但他們都有求必應。唯一問題是這晚有一班剛打完波的鬼佬，在場內嘈喧巴閉，又自己帶啤酒來飲，不過老闆娘和侍應姐姐都好忍讓佢地。順帶一提，很多食評都只講這裏的火窩，但其實呢度的定食也不錯。少奶就鍾意呢度的牛肉烏冬窩類，貪佢熱辣辣，暖笠笠。我就比較喜歡魚生或壽司類定食。但有次午市試了他們的咖喱豬扒定食，豬扒太薄，炸得太乾，而且炸好後放得太耐，冧了；咖喱汁也不夠香，而且偏鹹，加上他們用味飯代替白飯，就鹹上加鹹。下次都係食返其他野啦。