潮牛莊火鍋

營業中

休息中

雖然而家天氣好熱，但係我同一班朋友一齊都其實係最鍾意食打邊爐，因為覺得一大班人圍住圓枱烚吓烚吓係最開心嘅，所以今次我哋揀咗尖沙咀呢間火鍋餐廳，最主要係佢哋比位置較方便，個個放工嚟都唔使塞車，而且呢度嘅冷氣永遠都好夠，所以食得好舒服。今次我哋叫咗好多唔同嘅肉同海鮮，但係有幾樣嘢我覺得真係要推介，第一樣就係加拿大象拔蚌，勁大隻之餘亦都好新鮮，快快烚吓就食，仲有脆卜卜嘅口感。另外我有一個雞翼愛好者嘅朋友，每次嚟到一定要食呢度嘅自家製椒鹽雞翼，就係鍾意口酥脆嘅感覺，但係入面仲保持到嫩滑同juicy。至於牛肉方面，我哋每次必點嘅都係爪邊、吊龍同金錢牛腱。鍾意爪邊嘅肥肉同肉嘅比例好好，好重牛味，超級香濃。吊龍軟嫩細膩，個人覺得肉味都比較鮮甜。金錢牛腱嘅口感都好好，有埋少少筋嘅部份，食落好有口感，好結實。食完之後大家都好開心，以後一定會做呢間餐廳嘅常客。