新東記火鍋店 (已搬遷) 新店位置

新東記火鍋專門店位於尖沙咀鬧市，見到雜誌新聞都有採訪過，喺片段中見到啲食物咁吸引，好奇之下好想去試吓。湯底有多款選擇，我哋最後揀咗甘筍玉米豬骨湯，湯底清清甜甜，好有鮮味。火鍋配料實在太多款式，我哋就揀選左以下嘅食物鮮嫩肥牛肉牛頸脊肥牛相當顏色光澤，我們叫了最大的碟，兩個人會食滿足D，牛頸脊食落口相當肥美，一啲都唔覺得騷，係必叫的食物之一。四寶丸有貢丸，牛丸，自製魚蛋，豬肉丸。四種丸都係我最鍾意食嘅丸類，魚蛋相當彈牙，貢丸有鮮冬菇的味道，牛丸很爽，豬肉丸很入味，正。油麥菜菜很新鮮，一啲都唔老，顏色好翠綠，一食落去很鮮甜，是打邊爐索晒湯底精華味道嘅最佳配搭。韭菜菜肉餃、上海白菜餃兩款餃份量可以雙拼。韭菜餃入面有好多韭菜粒同鮮肉，皮一啲都唔厚，正。上海白菜餃味道很特別，好足料。新鮮響鈴脆卜卜再浸落啲湯底，加埋我哋特製嘅醬汁，一食落口相當香口。魚腐四粒大大粒，一放落湯底浮在湯底面，口感相當煙靭彈牙。還有很多打邊爐食品都相當吸引，多多都講不盡，而飲品方面，啤酒汽水、竹蔗茅根、紅酒白酒樣樣都齊。