Wagyu Ya (已結業)

喺套餐同埋散叫當中，我哋揀咗散叫。枝豆》前菜嘅好選擇，熱辣辣，大大粒加少少鹽就夠富山縣白蝦炸揚》啲蝦細細隻，連殼炸脆卜卜，一啖一隻海膽和牛帶子燒》口感同味道都有層次，首先係食到鮮甜嘅海膽，然後係和牛嘅油脂香味，最後就係火炙帶子。山椒活鰻魚》開頭以為淨係套餐先至有，最後發現原來可以散叫，即叫即燒嘅關係，所以送上嚟係熱辣辣，鰻魚厚身，爽口彈牙，配埋佢哋嘅醬汁非常惹味。食肉者》呢個係店員推介，有四款唔同嘅和牛，牛肩胛、西冷、三角腩同牛舌。由最瘦嘅牛肩胛食起，最後先到牛舌。每一件都非常重牛油香，牛舌非常爽口已經mark低咗下次會再嚟，因為我仲想試佢哋嘅吉列和牛三文治