神燈海鮮酒家 (18廣場)

營業中

休息中

難得假期點，所以訂台食午餐慶祝生日。－心想食小菜，但中午亦有點心選項，所以就點了四款點心，同時叫了3個餸。點心質素合格喇，調味重了一點及餃子皮粒粒粘住，所以夾起嚟已經皮餡分離。主菜點了黃鱔飯，份量大，醬油味重，略嫌濕咗少少，未有砂鍋飯的焦香，焗耐D可能口感會好一點。魚膓蒸蛋已賣少見少，所以特別點了，上桌時脹蛋漿卜卜，也算是有內涵的一度菜，但末有如傅統做法一樣，蛋內加上油炸鬼。飯腳則認為唔夠味，我就覺得OK！最後一味砵酒桶𧐢，不能不讚𧐢件真的很大，差不多有半隻手掌大，惹味好送飯。全餐最遺憾係冇黑松露燒鵝，－心諗住嚟試，點知佢話冇，要訂，又或者要半隻鵝，即刻燒，等一粒鐘！無言！只嘆燈神冇出現，願望末達成！