牛涮鍋 (已結業)

牛乜鍋，牛勿鍋依家開到成行成市，競爭都幾激烈。今日行開奧海城，就用埋之前抽中但就過期既現金券，去試下牛涮鍋！環境又幾舒服，入坐時有問想一人一鍋定兩人一鍋，原來係安排座位之用。想坐卡位舒服d既就只好兩人一鍋。空間闊落，地下又乾爽，環境光猛！兩人一鍋蕃茄湯想追加牛肉定加湯，係枱底有得自助落單，效率高，好快送到！雞牛豬各自先黎一碟，新鮮！牛肉肥瘦適中，好好食，一共食左三碟😬仲有d丸類，菜同菇自助吧到仼拎，普普通通！建議量力而為，唔好眼闊肚窄，留多d位食多兩塊牛肉仲好啦。食完仲有扭紋雪糕做甜品，六款配料仼加，抵食！