合興

營業中

休息中

被逼打針嘅日子，心情認真麻麻。打完之後見仲未死得，於是開個 App 碌一碌，睇下附近有咩嘢食，最後嚟到啟業邨呢間大牌檔。合興對於鏡粉嚟講一啲都唔陌生，呢度就係之前 My Apple Pie 其中一個拍攝場景。呢度係大牌檔，夜晚食小炒，日頭就食簡單嘅炒粉麵。我叫咗碟肉絲炒麵，份量十足，但係鑊氣就略為欠奉，肉絲味道亦較淡，以大牌檔食物嚟講，呢碟炒麵就略嫌唔太夠惹味啦。期待有機會夜晚嚟試小炒，領略下大牌檔嘅真功夫。