紅茶冰室

營業中

休息中

今日放假，想帶孩子行吓一田，所以就喺附近食早餐。呢間紅茶冰廳，有新鮮出爐麵包供應，印象中都幾好味😋。記得上次大排長龍，可能今日係平日，竟然唔使等位就直入。我哋嗌左兩個早餐再加一個菠蘿油。鮑魚火腿通粉，味道正常，湯底濃郁。榨菜米，就好辣，我唔係好食到。😢不過真係要讚下佢個滑蛋，炒得好香好滑。比孩子搶咗八成去食。奶茶還可以，不過如果奶多啲口感會更好。餐飲幫孩子轉鮮奶（加$6），佢一飲就知道係北海道奶，非常開心。🥰啲夥計好勤力，成日都想收我哋啲餐碟，即使係未食完嘅時候。呢方面真係要留意吓，其實我哋都唔係坐咗好耐，而且門口冇人排隊，咁樣會好騷擾我哋用餐的感受。