來德好蝦麵廚房

營業中

休息中

而家已經好少入西貢食飯啦，今次入嚟都係因為朋友吹雞，試咗呢間來得好蝦麵廚房，我哋自己買咗啲海鮮俾佢加工，其餘就食幾小菜啊、馬拉炒粉呀、招牌蝦面啊，通通都唔錯，佢啲炒野係好有穫氣嘅，最吸引係冰鎮咕嚕肉，鋪係底嘅冰將剛上穫嘅咕嚕肉降溫，外面脆卜卜，裏面鎖住肉汁，係正既！成餐飯都幾滿意，但最後埋單就後悔自己買野唔問價，買左$200海鮮，加工費竟然$280，有冇咁貴呀。另外如果唔係食小菜，而係食佢啲馬來西亞嘢例如係蝦麵，炒貴叼，都係好唔錯嘅！