找餐時間 (已結業)

成日覺得午市時間喺港島區搵食甚艱難，人多又貴仲有時又唔太好食。今次經開西營盤呢區，放飯時間本身想食嗰間好多人排隊等位，咁見到呢間主打食冷麵炒麵既小店，睇落幾吸引，價錢合宜就入去食囉店內地方座位有限，較擠迫。menu選擇主要得冷麵或者炒麵揀，炒麵黎講得三款選擇。炒麵可以再揀咩餸底同配日式或韓式辣醬炒。我地一個揀左配蝦，一個配雞肉，全是韓式辣醬炒麵。麵餐配送沙律、芝士蛋卷，飲品可以揀汽水或花茶。今日花茶係茉莉花玫瑰花茶，細細樽，似冷泡茶，茶味都香濃，不錯。至於炒麵，辣醬惹味，除了蝦肉，還有櫻花蝦，感覺好豐富。同事雞肉嗰份樣子就遜色少少，但味道都好食。除了餐盤唔太環保，其他還是不錯。