二少廚房

營業中

休息中

聽朋友介紹知道觀塘有間小店食手撕雞同埋燉湯好正，叫【二少廚房】，今次專程就走去試下，點咗兩個手撕雞套餐。分別係薑蔥味同埋日式芝麻醬味，燉湯叫咗蟲草花雞湯，同埋鮑魚紅棗杞子雞湯。 😋兩份手撕雞都係啖啖肉，起曬骨同埋最緊要d雞肉好嫩滑好有雞味，而且薑蔥味就係我嘅至愛，另外日式芝麻醬原來同手撕雞都好夾，又係食到停唔到口之選。😋重點推介係兩個燉湯，入邊真係超多料，分別有瘦肉、雞腳、同埋其他材料，而且係原盎攞出嚟，應該都燉咗數小時以上。蟲草花同鮑魚都非常有鮮味，完全令個湯帶出唔同嘅層次。如果鍾意燉湯嘅朋友又在觀塘附近返工，建議一定要去呢度食lunch試下。👍