越色牛肉粉餐廳 (已結業)

平時好少食越南野，因為本身自己係重口味既人，成日覺得越南野比較清淡，鍾意食辣野濃味野多D🤭🤭。今日個人有少少唔舒服，行過見到越色好似清清地，就入左幾黎試下😌。望下餐牌，其實又唔係咁清淡，原來都有幾多選擇，心目中成日以為得越式牛肉湯🤣🤣🤣。order左個炭燒豬扒撈檬 $50 豬扒經過炭燒，確實係幾惹味，少少炭燒既香味加上豬扒本身都幾鬆軟😁，撈檬加左D酸酸辣辣既汁同埋是拉差辣醬，成件事又幾夾喎😝。環境都算坐得幾舒服，下次無咩胃口都可以過黎食，酸酸甜甜幾開胃😌。